Waqt se uljhe, ki apno se door ho jate hai,
Yaadon me hum unke, ghadiya ginte jaate hai,
Beete pal, hume itna yaad aate hai,
Aaena dekhe, to aansun aankho me nazar aate hai..

Din the alag woh, ghar tha purana,
Waqt ki ang-dayio me, beet-ta-tha din humara,
Din ki padhai, shamm ka bachpana humara,
Chutiyon me nani ke haath ka halwa, kar deta deewana.

Maa ka pyar, dant-na, aur phir manana,
Pitajee ki aankho ka woh chota ishaara,
Behen ko fasana, rulana, aur pyar jatana,
Waqt se haar kar, in sab se door jana…

Baarish ki bhundo me, luka chupi khelna,
English ki book me, design banana,
Woh sir ke sir-pe, rubber band marna,
Aur phir, umr ke saath, in sab ko bhool jana…

College ke din me, datt ke kaam karna,
Pani-puri, Dabeli aur Chat masala khaana,
Dosto ke saath, khelna-koodna, gana bajana,
Aaj, un sab se door chale jana…

Hasne-gun-gunane ke din the saare,
Chod ke kahan aa gae mere pyaare,
Waqt ne badal diya, sabhi ko,
Choti cheezo me, milti nahi khushi, kisi ko.

by Punit Ganshani (a.k.a Peterson)